ამ სტატიაში 

• რა ვარიანტები გვაქვს თერნზე? 
• რატომ  უნდა იმოქმედოთ გეგმის მიხედვით? 
• მოემზადეთ რივერისთვის 

  
ამ სტატიაში, განხილულია ცოტა რამ იმის შესახებ თუ როგორ უნდა  ითამაშოთ თერნზე. პირველ რიგში  უნდა გაიგოთ, რანაირად უნდა ითამაშოთ ამ რაუნდში, როგორ გადამწყვეტ შეცდომებს უნდა აარიდოთ თავი და რომელ ძირითად მიზანს მიჰყვეთ ბოლომდე.         
ამ სტატიის წინაპირობაა  სტატია ფლოპზე თამაშის შესახებ, რომელიც უკვე შესწავლილი გაქვთ. ფლოპზე ჩნდება გეგმის შემუშავების აუცილებლობა, რომლის მიხედვითაც უნდა იმოქმედოთ თერნზე.

თერნი - რთული ქუჩა

ბევრ მოთამაშეს პრობლემები უჩნდებათ თერნზე თამაშის დროს და თვლიან რომ ვაჭრობის მესამე რაუნდი ურთულესია. მათ ხშირად არ იციან როგორ იმოქმედონ და როგორ აარიდონ თავი წამგებიან სიტუაციას. რატომ ხდება ასე? 
ჰოლდემი ეფუძნება ორ ძირითად ფაქტორს: 

• რა ყავს თქვენს მოწინააღმდეგეს, ან რა კარტები გააძლიერებდნენ მას, შემდეგ რაუნდებში? 
• რამდენად დიდია ბანკი და რამდენი უნდა გადაიხადოთ იმისთვის რომ ნახოთ შოუდაუნი ან გაიუმჯობესოთ ხელი. 

თამაშის დროს თვენ გსურთ მოუგოთ თანხა ოპონენტს კარგი ხელით ან აიძულოთ თქვენი მოწინააღმდეგე,  გააკეთოს ფოლდი, რათა შეძლოთ ბანკის მოგება შოუდაუნის გარეშე. ასეთ შემთხვევებში მოვლენათა განვითარება დამოკიდებულია იმაზე, თუ რა კარტი გყავთ თქვენ და თქვენს ოპონენტს, ასევე მნიშვნელოვან როლს თამაშობს თანხა, რომლიც უნდა გადაიხადოთ.

ყოველ შემდეგ ქუჩაზე მდგომარეობის განსაზღვრა სირთულეს არ წარმოადგენს. როგორც წესი პრე-ფლოპზე და ფლოპზე მცირე ინფორმაცია გაქვთ ოპონენტის ხელის შესახებ, შესაბამისად ბანკში ჩადებული თანხაც ძალზე მცირეა. პრე-ფლოპ რეიზი არის 4ბბ, ქონთ.ბეთი დაახლოებით 6ბბ. რადგან გაქვთ მიზანი და იცით რისი მიღწევა შეგიძლიათ ამ ფსონების დადებით, ისინი ძალზე ღირებულია, იმ ფაქტის გათვალისწინებითაც კი რომ თქვენს სრულ სტეკთან 100ბბ შედარებით უმნიშვნელო თანხაა და ვერ იმოქმედებს დისპერსიაზე.

რივერზე სიტუაცია იცვლება. თქვენ უკვე მიიღეთ გარკვეული ინფორმაცია, მოწინააღმდეგის ხელის შესახებ. მაგიდის სტრუქტურა განსაზღვრულია(მეტი კარტი მაგიდაზე აღარ დაიდება). თქვენ ან წინ ხართ ან უკან. ბუნებრივია ეს არ ამარტივებს გადაწყვეტილების მიღებას. თქვენ საკუთარ თავს უნდა კითხოთ: გყავთ კი იმდენად ძლიერი ხელი რომ მოიგოთ შოუდაუნის შემდეგ? უნდა გადაწყვიტოთ: კარგი ხელი გყავთ ველიუბეთისთვის, დროა დაყაროთ კარტი, თუ სცადოთ ბლეფი.  რივერი არის ყველაზე ძვირადღირებული ვაჭრობის რაუნდი, რადგან წინა რაუნდებში თქვენ დებდით პოტის შესაბამის ფსონს (ან აკეთებდით ქოლს) და შესაბამისად რივერზე ბანკი ყველაზე დიდია ვაჭრობის სხვა რაუნდებთან შედარებით. 

თერნი არის ზუსტად შუაში (ფლოპსა და რივერს შორის) და სამწუხაროდ აქ თავს იჩენს პრობლემები, რომლებიც გაქვთ ორივე რაუნდში (ფლოპზე და რივერზე). თქვენ ჯერ კიდევ არ იცით თუ სად იმყოფება თქვენი ხელი,  ჯერ კიდევ შესაძლებელია დროუ ხელი გყავდეთ (თქვენც და თქვენს ოპონენტსაც), რადგან ერთი კარტი კიდევ უნდა დაიდოს მაგიდაზე. საკმაოდ ხშირად ბანკში უკვე საკმაოდ დიდი თანხაა, ამიტომ გადაწყვეტილებების ღირებულება იზრდება. თქვენ ასევე ითვალისწინებთ იმას რომ შემდეგი რაუნდია რივერი, სადაც გადაწყვეტილების მიღებისას უფრო მეტი თანხის გადახდა მოგიწევთ.

ბევრი შესაძლო პრობლემის გამო, თერნზე ყველაზე ადვილია შეცდომის დაშვება. ყველაზე ხშირი შეცდომა - პასიურობა. თერნზე ლოგიკური ფსონი მნიშვნელოვნად ზრდის ბანკს, რის შემდეგაც რივერზე გაკეთებული 2/3 ბანკის სიდიდის ფსონი ორჯერ უფრო ძვირი ღირს, ვიდრე თერნის დაჩექვის შემდეგ ეღირებოდა.

ძვირადღირებული გადაწყვეტილებები ბევრ მოთამაშეს უბიძგებს გადაიხარონ პასიურობისკენ. ჩექი (ქოლი) თერნზე თამაშდება არა სტრატეგიული თვალსაზრისით არამედ იმ უბრალო მიზეზით, რომ მოთამაშეებს ეშინიათ ერთი შეხედვით მარგინალური ხელებით დიდი ბანკის თამაში. რის შედეგადაც ჩნდება ლიქი (Leak -სუსტი ადგილი) რადგან გამოცდილ მოთამაშეს უჩნდება საშუალება არამარტო უფასოდ ნახოს რივერი და იაფად დაასრულოს საკუთარი დროუ, არამედ უბრალო გააგრესიულებით წაიღოს ბანკი.

თქვენ თავი უნდა აარიდოთ მსგავს შეცდომებს. ყველგან და მათ შორის თერნზეც, მნიშვნელოვანია იმოქმედოთ ლოგიკური საფუძვლების გათვალისწინებით, რომელიც ეფუძნება სტრატეგიას. ამის გათვალისწინებით ბანკის კონტროლს მხოლოდ მაშინ უნდა მიაქციოთ ყურადღება, როდესაც მის გამოყენებას გააჩნია ლოგიკური საფუძველი.

თქვენ უნდა გინდოდეთ გახდეთ კარგი მოთამაშე, რომელსაც არ ეშინია თერნზე იბრძოლოს ბანკისთვის და საჭიროების შემთხვევაში მაგიდის ცენტრში გადაწიოს მთლიანი სტეკიც.

თქვენ უნდა ეცადოთ თავი აარიდოდ მსგავს შეცდომას. თერნზე ისე უნდა ითამაშოთ როგორც ჩათვლით სწორედ და ყურადღება მიაქციოთ პოტ კონტროლს როდის აქვს აზრი ასე მოქცევას. უნდა ისწავლოთ, გახდეთ კარგი მოთამაშე, რომელსაც არ ეშინია ითამაშოს  მთელი სტეკით 100ბბ. და ეს მოიმოქმედოს სტრატეგიული უპირატესობის მისაღწევად.

თქვენ უნდა თამაშობდეთ უკეთ ვიდრე თქვენი ოპონენტები და თუ ეს ასეა მაშინ ცხადია უნდა გინდოდეთ, რომ თერნზე და შესაბამისად რივერზე ოპონენტებმა მიიღონ რაც შეიძლება ძვირი გადაწყვეტილებები. რადგან მსგავს შემთვევაში დისტანციაზე თქვენ უფრო მეტს მოიგებთ.

განვაგრძობთ გეგმის მიხედვით მოქმედებას:  

თქვენ შეისწავლეთ გეგმის შემუშავების სხვადასხვა გზები, სტატიაში ფლოპის შესახებ. გარდა იმის განსაზღვრისა რა პოზიცია გაქვთ თქვენი ხელით(წინ ხართ თუ უკან) და კონკრეტულად რისი მიღწევა გსურთ ფსონის დადებით ან ხელის პასიურად გათამაშებით, ასევე უნდა იფიქროთ იმაზეც როგორ მოიქცევით თერნზე. 

იდეა მდგომარეობს იმაში, რომ თერნზე თქვენ აგრძელებთ იმ „ისტორიის გაყიდვას“ რომელიც ფლოპზე დაიწყეთ. ცხადია თერნის კარტს აქვს მნიშვნელობა, მაგრამ მოქმედების საერთო გეგმა მაინც ფლოპზე იბადება.

მოვიყვანოთ კიდევ ერთი სადემონსტრაციო მაგალითი: 

PartyPoker $25 NL Hold'em (6-handed) 

Stacks & Stats 
MP ($25)  
CO ($25) (16/13/2.5/21/456) [VPIP/PFR/AF/WTS/Hands] 
Hero ($25) 
BB ($25)  
SB ($25)  
BU ($25)

Pre-flop: Hero is UTG with A, K
Hero raises to $1.00, 1 fold, CO calls $1.00, 3 folds

Flop: ($2.35) K, 7 , 6  (2 players) 
Hero bets $1.50, ...

გაანალიზების შემდეგ შეიძლება მივიდეთ შემდეგ დასკვნამდე: 

• „თქვენი პრობლემა მდგომარეობს იმაში რომ იძულებული ხართ იმოქმედოთ გარე პოზიციიდან, ამიტომ ოპონენტის რეიზის შემთხვევაში მოგიწევთ ჩექის გაკეთება თერნზე,  რითიც მას მისცემთ უფასო კარტს“ 
• „თქვენი მოქმედების ხაზი უნდა იყოს ბეთი/ფოლდი როგორც ფლოპზე ასევე თერნზე.“

​თქვენი აზრები ფლოპზე პირდაპირ კავშირშია თერნის გათამაშებასთან.  თავდაპირველად განვიხილოთ მოწინააღმდეგის შესაძლო რეიზი ფლოპზე. ასეთ შემთხვევაში ქოლი გამორიცხულია, რადგან თერნზე ძალიან რთულ სიტუაციაში აღმოჩნდებით. მეორე ვარიანტია, როცა ოპონენტი აკეთებს ქოლს. ფლოპზე თქვენ უკვე დაგეგმეთ რომ კიდევ დადოთ ფსონი თერნზე და ეს გეგმა ძალაში უნდა დარჩეს. 

ამ შემთხვევაში თერნის კარტს დიდი მნიშვნელობა არ აქვს. ძნელად მოიძებნება დასტაში კარტი, რომელიც შეცვლის არსებულ სიტუაციას. თუ დაიდება მესამე კარტი რომელმაც შეიძლება დაასრულოს ფლეშ-დროუ თქვენ გეყოლებათ რედროუ თქვენი K -ის მეშვეობით. თეორიულად შესაძლებელია გააკეთოთ ჩექი, რადგან აღარ არსებობს ხელის დაცვის აუცილებლობა, თუმცა ფსონის დადება არავითარ შემთხვევაში არ არის შეცდომა, რადგან გყავთ არამარტო რედროუ, ასევე ტოპ წყვილი/ტოპ კიკერი და გსურთ მიიღოთ ველიუ ხელიდან.

მნიშვნელოვანია იცოდეთ როგორი ხელი გინდათ რომ „მიყიდოთ“ მოწინააღმდეგეს და დააკვირდეთ სჯერათ თუ არა თქვენი. სწორედ ამიტომ არის მნიშვნელოვანი გაჰყვეთ ფლოპზევე დასახულ გეგმას.

გაიხედეთ წინ 

მომავალი მოქმედების განჭვრეტა არანაკლებ მნიშვნელოვანია ვიდრე წარსულის სწორი ანალიზი. თქვენ უნდა იცოდეთ რას უნდა მოელოდეთ რივერისგან. ეს განსაკუთრებით მნიშვნელოვანია მაშინ, როდესაც თამაშობთ პასიურად, რადგან თქვენი მოქმედება ხშირად დამოკიდებულია ოდსებზე.  თუ იმფლაიდ ოდსებზე დაყრდნობით მარგინალურ ქოლს გააკეთებთ, მაშინ უნდა კითხოთ საკუთარ თავს, შენარჩუნდებიან, თუ არა ისინი რივერზე?

PartyPoker $25 NL Hold'em (6-handed)

Stacks & Stats 
MP ($25)  
CO ($25) (16/13/2.5/21/456) [VPIP/PFR/AF/WTS/Hands] 
Hero ($25) 
BB ($25)  SB ($25)  
BU ($25)

Pre-flop: Hero is UTG with A, K 
Hero raises to $1.00, 1 fold, CO calls $1.00, 3 folds

Flop: ($2.35) K , 7, 6  (2 players)  
Hero bets $1.50, CO calls$1.50 

Turn: ($5.35) T  (2 players)
Hero checks, CO bets $4.00, Hero calls $4.00

River: ($13.35) 2 (2 players)
Hero bets $9.00, CO fold

თქვენ გადაწყვიტეთ, შეცვალოთ გეგმა და ითამაშოთ პასიურად. ამის ძირითადი მიზეზი იყო ის რომ საკმაოდ ძლიერი ხელის მიუხედავად, თქვენ შეგეშინდათ რეიზის. საკუთარი ჩექ/რეიზი რომელიც მსგავს სიტუაციაში არც თუ ისე ცუდად გამოიყურება, თქვენ გამორიცხეთ.

მსგავსი სტილის ოპონენტის წინააღმდეგ, გათამაშების თქვენი ხაზი არც თუ ისე ცუდია. თუმცა, როგორ იმოქმედებდით მაშინ ტოპ წყვილის მაგივრად რომ გყოლოდათ Q, J? თერნზე ჩექ/ქოლის გაკეთებით, თქვენი ერთადერთი იმედი რივერზე გულის ამოსვლა იქნებოდა. მსგავსი ქოლისთვის აუცილებელია მაღალი მოსალოდნელი პოტ-ოდსები, რომლის იმედიც არ უნდა გვქონდეს მსგავს სიტუაციაში. ჩექ/რეიზი რივერზე ძალიან საშიში ხაზია, რადგან ოპონენტი ხშირად ისარგებლებს უფასო შოუდაუნით. თქვენ მოგიწევთ დონკბეთის გაკეთება, რისი საშუალებითაც თქვენი ხელი გახდება ადვილად წაკითხვადი.

ორივე ხელით თქვენი თამაში არ იყო ოპტიმალური. დროუ ხელით - ძალიან პასიური, ფოლდ-ექუითის გარეშე და ცუდი პოტ-ოდსებით. ეს შეცდომაა 

АK თიც მსგავს სიტუაციებში დაკარგავთ ველიუს და რაც ყველაზე მნიშვნელოვანია რივერზე არ გეცოდინებათ როგორ მოიქცეთ. როგორ ვითამაშოთ რივერზე ჩექ/ქოლის შემდეგ? ოპონენტის განმეორებითი ჩექის შემდეგ? მარტივად რომ ვთქვათ თქვენ ძალიან ხშირად ხართ წინ ამიტომ მნიშვნელოვანია ავირჩიოთ გათამაშების აგრესიული ხაზი.

მსგავსი სახის მაგალითებს შეხვდებით მეორე სტატიაში თერნის შესახებ. სიტუაციის მყისიერ ანალიზთან ერთად თქვენ ყოველთვის წარმოდგენილი უნდა გქონდეთ რივერზე გათამაშების გეგმა და გაცნობიერებული უნდა გქონდეთ რამდენად დამაჯერებელია ის „ისტორია“ რომლის მოყოლასაც ცდილობთ ოპონენტისთვის მთლიანი პოსტფლოპის განმავლობაში.

ბანკის კონტროლი vs. დაცვა

ამ შეკითხვაზე პასუხი ყველაზე მეტ დროს წაიღებს მაშინ, როდესაც ჩვენ მარგინალური ხელი გვყვავს. თუ თქვენ არც ისე ძლიერი ხელი გყავთ და თავადაც არ ცდილობთ დროუ-ხელის დასრულებას. მაშინ ხშირად აღმოჩნდებით სიტუაციაში, როდესაც არ გეცოდინებათ სად იმყოფება თქვენი ხელი და გაგიჭირდებათ არჩევანის გაკეთება ზემოთნახსენებ კონცეფციებს შორის.   

კვლავაც ყურადღება უნდა მივაქციოთ ისეთ მნიშვნელოვან ასპექტს როგორიც არის პოზიცია, რომელსაც ძალიან დიდი მნიშნელობა აქვს არამარტო თერნზე, არამედ მთლიანი გათამაშების განმავლობაში. თქვენ უნდა ეცადოთ რაც შეიძლება ბევრი ბანკი გაათამაშოთ, მაშინ როდესაც პოზიციაში იქნებით, ალბათ თქვენ უკვე კარგად გესმით პოზიციის მნიშვნელობა, მაგრამ ალბათ არ იქნება ზედმეტი, თუ ამ მნიშვნელოვან საკითხზე კიდევ ერთხელ გავამახვილებთ ყურადღებას. 

თქვენ გარე პოზიციაში ხართ 

ცხადია რომ პოზიციის გათვალისწინებით იქმნება გათამაშების რამდენიმე განსხვავებული სცენარი. პოზიციაში თქვენ გაქვთ საშუალება უკეთ აკონტროლოთ ბანკის სიდიდე, ან საიმედოდ დაიცვათ ხელი. ბოლო სიტყვა თქვენზეა. გარე პოზიციაში თამაშისას კი თქვენ ყოველთვის დამოკიდებულნი ხართ ოპონენტების ქმედებებზე. შევხედოთ დარიგების გაგრძელების რა ვარიანტები გვაქვს, როდესაც გარე პოზიციაში ვიმყოფებით: 

მეორე ბარელი 

როგორც იცით მეორე ბარელი ეწოდება ფსონს თერნზე, რომელიც კეთდება ფლოპზე გაკეთებული კონტბეთის შემდეგ. მეორე ბარელით თქვენ ოპონენტს უმტკიცებთ, რომ მართლაც ძლიერი ხელი გყავთ. იბადება შეკითხვა დაიჯერებს თუ არა ოპონენტი მსგავს „ისტორიას“? 

შესაძლო ვარიანტები თვალსაჩინოა: თუ თქვენ ძლიერი ხელი გყავთ ირჩევთ გათამაშების ხაზს ბეთ/3ბეთ. მთლიანი სტეკების პირობებში თერნზე 3ბეთი ფაქტიურად ოლინის უდრის. 
პირიქით თუ თქვენ არაფერი არ გყავთ და ცდილობთ ბლეფით წაიღოთ ბანკი და თქვენი ერთადერთი იმედი ფოლდ-ექუითია, მაშინ ერთადერთი ხაზი იქნება ბეთ/ფოლდი  

თუმცა გათამაშების ხაზი ბეთ/ფოლდი თერზე არ გამოიყენება მხოლოდ ბლეფისას. არამედ მსგავსი თამაში შესაძლებელია საშუალო სიძლიერის ხელებითაც, როდესაც გინდათ გაიგოთ წინ ხართ თუ უკან. 

სტანდარტული წესი: თუ თქვენ გეგმავთ რომელიმე ქუჩაზე ითამაშოთ ჩექ/ქოლი, ჯობია დადოთ თავად. თქვენ დამატებით იღებთ ფოლდ-ექუითის, ხოლო რეიზის შემთხვევაში იღებთ ინფორმაციას თქვენი ხელის შესახებ. ამ ყველაფერთან ერთად თქვენ გაქვთ საშუალება აკრიფოთ ველიუ უფრო სუსტი ხელებისგან და დროუხელებისგან. ასევე თუ თქვენ სულ მუდამ შეტევაზე იქნებით, ოპონენტები ხშირად გადაგიხდიან მაშინ, როდესაც ძლიერი ხელი გეყოლებათ. რადგან მათ გაუჭირდებათ განსაზღვრონ თქვენი ფსონის ძირითადი მიზანი.

სწორედ ამიტომ ბეთ/ფოლდი გარე პოზიციიდან ითვლება საკმაოდ მომგებიან გათამაშების ხაზად. ხშირად ის იქნება ერთადერთი ლოგიკური ალტერნატივა. ჩექ/ქოლი იშვიათად არის იდეალური გადაწყვეტილება, რადგან ოპონენტი იღებს უფასო კარტს და ვერ ზრდით ბანკს. ხშირ შემთხვევებში ლოგიკური აგრესია ტეხასურ ჰოლდემში დადებითად აისახება თქვენს ბანკროლზე, ასე რომ თუ გყავთ ისეთი ხელი რომლის ჩვენებაც შოუდაუნზე არ შეგრცხვებათ შეუტიეთ!  

ფსონი გარე პოზიციიდან საშუალებას გვაძლევს მოვიპოვოთ მნიშვნელოვანი ინფორმაცია: თუ ოპონენტი არეიზებს, ხშირ შემთხვევაში ჩვენ ვართ უკან.

პირველ რიგში რეიზი უფრო მეტ პატივისცემას იმსახურებს ვიდრე ფსონი. ბლეფ ფსონის გაკეთება შეუძლია ძალიან ბევრ მოთამაშეს, ხოლო ბლეფ რეიზზე ყველა ვერ მიდის. ხოლო ვინც მიდის მათი უმეტესობა არასწორ მომენტს არჩევს მსგავსი მუვისთვის. 

თუ რეიზს აკეთებს ის მოთამაშე, რომელმაც ქოლით მიიღო თქვენი ფსონი პრეფლოპზე, და უბრალოდ დაქოლა თქვენი გაგრძელებული ფსონი ფლოპზე, მაშინ მისი რეიზის ძალიან სერიოზულად უნდა მოვეკიდოთ. ტოპ წყვილის გადაყრა ადეკვატური მოთამაშის წინააღმდეგ სულაც არ არის სირცხვილი, პირიქით ხშირად მსგავსი გადაწყვეტილება ყველაზე მომგებიანია მსგავს სიტუაციებში. 

თუ გარე პოზიციიდან მაინც არ გააკეთეთ მეორე ბარელი, თქვენ გრჩებათ გათამაშების 3 შესაძლო სცენარი: 

• ჩექ/ფოლდი 

თქვენ აბსოლუტურად გამოუსადეგარი ხელი გყავთ, თვლით რომ თქვენს ფსონს არ ექნება საკმარისი ფოლდ-ექუითი, შესაბამისად გადაწყვიტეთ დაყაროთ კარტი. 

• ჩექ/ქოლი 

ჩექ/ქოლ ხაზს თქვენ საქმეში რთავთ way ahead/way behind (ძალიან წინ/ძალიან უკან) სიტუაციებში. ამასთან მნიშვნელოვანია მაგიდა იყოს მშრალი(არ იყოს ბევრი დროუს შესაძლებლობა), ოპონენტს უყვარდეს ბლეფი, მეტიც ოპონენტის რეპერტუარში უნდა იყოს ბლეფ/რეიზებიც თერნზე, ანუ შესაბამისად არ უნდა უყვარდეს ქოლდაუნები (ქოლი სამივე ქუჩაზე). მსგავსი ოპონენტის წინააღმდეგ გამართლებულია და აზრი აქვს ჩექ/ქოლ ხაზს.  way ahead/way behind სიტუაციებს უფრო დაწვრილებით გაეცნობით შესაბამის სტატიაში. 

• ჩექ/რეიზი 

ჩექ/რეიზი კარგი იარაღია აგრესიული ოპონენტების და პოტენციური ფლოატერების წინააღმდეგ. თუ თქვენ იცით რომ ოპონენტი ხშირად გააკეთებს მუვს თერნზე, მაშინ შეგვიძლია ჩექით გამოვავლინოთ სისუსტე. ასეთ შემთხვევაში ჩექ/რეიზით ჩვენ ვიღებთ დამატებით ველიუს და ამასთან საიმედოდ ვიცავთ ხელს. 

 
კიდევ ერთი უპირატესობა: მსგავსი თამაშით თქვენ აბალანსებთ ჩექ/ფოლდ ხაზს. ოპონენტებს უკვე ეცოდინებათ, რომ თქვენი ჩექი თერნზე ავტომატურად არ ნიშნავს, რომ დანებდით. მაგრამ ამასთან თუ თქვენ ძალიან ძლიერი ხელი გყავთ და თქვენი ოპონენტიც არ გააკეთებს ფსონს, თქვენ დაკარგავთ ველიუს.

თქვენ პოზიციაში ხართ

პოზიციაში თამაშისას უპირატესობა რა თქმა უნდა თქვენს მხარეს არის. ოპონენტმა თავად უნდა იმოქმედოს პირველმა, და თქვენ შეგიძლიათ განმეორებითი ჩექით ან უბრალო ქოლით შესამჩნევად არ გაზარდოთ ბანკი, ან ფსონით ან რეიზით პირიქით გაზარდოთ ის. 

ცხადია მეორე ბარელის გამოყენება პოზიციაში თამაშის დროსაც შესაძლებელია. მაგრამ ჩვენი ოპციები იზღუდება, როდესაც ოპონენტი აკეთებს დონკბეთს, მიუხედავად იმისა თუ რა მოხდა ფლოპზე. 

ბლეფ-რეიზი ძალიან ძვირი ჯდება, თანაც ფოლდ-ექუითის შეფასება რთულია. მსგავსი რეიზით თქვენ უბრალოდ შეიძლება მიებათ ბანკს და ქოლის გაკეთება მოგიწიოთ მარგინალური ხელით. 

აუცილებელია გავაანალიზოთ სიტუაცია და გავცეთ პასუხი ისეთ შეკითხვებს როგორიცაა: რამდენად ხშირად ვიქნებით წინ? და მზად ვართ თუ არა გავრისკოთ მთლიანი სტეკი? დასკვნის საფუძველზე თქვენ შეგიძლიათ გააკეთოთ ქოლი (თუ მაგიდა მშრალია) და გაათმაშოთ way ahead/way behind სიტუაცია, ან გააკეთოთ რეიზი რომელიც მიგაბამთ ბანკს და დაიცავთ თავს დროუ ხელებისგან. 
თუ ოპონენტი ჩექს გააკეთებს, მაშინ იმის გათვალისწინებით თუ რა სიძლიერის ხელი გყავთ, რა სტილის ოპონენტს ეთამაშებით და როგორია მაგიდის სტრუქტურა. თქვენ უნდა გასცეთ პასუხი შემდეგ შეკითხვებს: 

• ფსონი უფასო შოუდაუნისთვის? 
• თუ განმეორებითი ჩექი ბლეფის პროვოცირების მიზნით? 

ფსონი უფასო შოუდაუნისთვის

მსგავსი ფსონის გაკეთებისას თქვენ ხელმძღვანელობთ იმ ფაქტით, რომ ოპონენტის გააკეთებს ქოლს უარესი ხელებით ან დროუ-ხელით, მაგრამ გაუძლიერებლობის შემთხვევაში დაჩექავს რივერზე. შესაბამისად განმეორებითი ჩექით რივერზე თქვენ საშუალება გაქვთ უფასოდ ნახოთ შოუდაუნი. ასეთ შემთხვევაში თქვენ ას ვთქვათ ყიდულობთ შოუდაუნს ერთი ფსონით და არ მოგიწევთ დიდი ფსონის გათანაბრება მის სანახავად.  

მსგავსი ხაზის წარმატებას განსაზღვრავს შემდეგი ფაქტორები: 

• ოპონენტს უნდა შეეძლოს ქოლის გაკეთება უფრო სუსტი ხელებით ან დროუ-ხელებით. 
• ოპონენტი არ უნდა იყოს შემჩნეული ხშირ ჩექ/რეიზებში თერნზე. 
• ოპონენტი უნდა იყოს პასიური, იდეალურ შემთხვევაში ავტომოპასუხე. 
• თქვენ ხშირად უნდა დასვათ ოპონენტი დროუ ხელზე, შესაბამისად ნებისმიერ შემთხვევაში მოგიწევთ დაცვითი ფსონის გაკეთება. 
• თქვენს ხელს უნდა გააჩნდეს საკმარისი შოუდან-ველიუ, თითქმის დარწმუნებული უნდა იყოთ რომ რივერზე განმეორებითი ჩექით წაიღებთ ბანკს. 
• თქვენ თვლით რომ არ გაგაჩნიათ ისეთი სიძლიერის ხელი, რომ დაქოლოთ დიდი ფსონი რივერზე. 

განმეორებითი ჩექი ბლეფის პროვოცირების მიზნით 

განმეორებითი ჩექი ბლეფის პროვოცირების მიზნით ეყრდნობა საპირისპირო მოსაზრებას. მიუხედავად იმისა რომ თქვენ საკუთარ თავს ფავორიტად თვლით, არ გგონიათ რომ ოპონენტს დროუ-ხელი ყავს. მაგიდა საკმაოდ მშრალია და იმის ალბათობა რომ გადაგვასწრონ საკმაოდ პატარა. 

მსგავსი ხაზის წარმატებას განსაზღვრავს შემდეგი ფაქტორები: 

• თქვენი ოპონენტი აგრესიულია (TAG, LAG ან სულაც მანიაკი). 
• თქვნ თვლით რომ ოპონენტი არ დაქოლავს თქვენს ფსონს, უფრო სუსტი ხელით. 
• მაგიდა შედარებით მშრალია. 
• თქვენ თვლით რომ ოპონენტს იშვიათად ეყოლება დროუ-ხელი. 
• ოპონენტი საკმაოდ აგრესიულია და მის რეპერტუარში არის ჩექ/რეიზ ხაზი თერნზე, რომლის შემდეგაც დაწოლა მოგვიწევს. 
• თქვენ გამოდიხართ იქიდან რომ ოპონენტი ხშირად იბლეფებს რივერზე, შესაბმისად მზად ხართ დაქოლოთ დიდი ფსონიც რივერზე. 
• თქვენ კიდევ გაქვთ აუტები, რომლებიც ხელს აძლიერებენ. 

ახლა უნდა გაანალიზოთ ოპონენტი, მაგიდის სტრუქტურა და განსაზღვროთ რომელ ხაზს აქვს უფრო მეტი მათემატიკური ლოდინი.

ყველა ძირითადი მომენტი რომლითაც უნდა იხელმძღვანელოთ: 

• თუ თქვენ ძლიერი ხელი გყავთ საშიშ მაგიდაზე, უნდა დადოთ დაცვის მიზნით. 
• აგრესიული ოპონენტის წინააღმდეგ შესაძლებელია ითამაშოთ ბეთ/ქოლი ბეთ/ფოლდის ნაცვლად მაგალითად ტოპ წყვილით, თუ თქვენ თვლით, რომ ოპონენტს შეუძლია მსგავსი ხაზი გაათამაშოს დროუ ხელითაც. 
• თქვენი ძირითადი არჩევანი უნდა იყოს ფსონი. მხოლოდ თუ თქვენ დარწმუნებული ხართ რომ ზემოთნახსენები ფაქტორების გათვალისწინებით განმეორებით ჩექს უფრო მეტი მათ. ლოდინი აქვს, შესაძლებელია პასიურად თამაშიც 

დროუ ხელების გათამაშება: ოდსები და მოსალოდნელი ოდსები 
დროუ ხელების განხილვაზე ბევრ დროს არ დავხარჯავთ ოდსების და მოსალოდნელი პოტ-ოდსების თემატიკას თქვენ უკვე  უნდა იცნობდეთ.

მიუხედავად იმისა ჰედს აფს თამაშობთ თუ მულტიპოტში ხართ, პოზიციაში თუ გარე პოზიციაში, გათშოტი გყავთ თუ ფლეშ დროუ, ყოველთვის უნდა გქონდეთ ქვემოთ ჩამოთვლილ შეკითხვებზე პასუხი: 

• რა სახის დროუ გვყავს? 
• რამდენი აუტსი გვაქვს? 
• რამდენი სუფთა აუტი გყავთ, ანუ ისეთი აუტი რომელიც გააძლიერებს თქვენს ხელს სავარაუდოდ საუკეთესომდე? 
• საკმარისია თუ არა პოტ-ოდსები თამაშის გასაგრძელებლად (პოტ ოდსები ≥ ოდსებზე)? 
• გაქვთ თუ არა მოსალოდნელი პოტ-ოდსები რივერზე? 

თუ თქვენ გადაწყვეტილების მიღებისას გასცემთ პასუხებს ზემოთჩამოთვლილ შეკითხვებს . მაშინ პრინციპში ვერ დაუშვებთ უხეშ შეცდომებს. ცხადია თერნზე მხოლოდ ერთი უცნობი კარტი დარჩა და შესაბამისად დაიკლო თქვენმა ექუითიმ. თუ ოპონენტი დიდ ფსონს გააკეთებს დიდი ალბათობით დაყრა მოგიწევთ, რადგან დროუ ხელით (8-9 აუტი) ბანკის 2/3 სიდიდის ფსონის დაქოლვაც არ იქნება მომგებიანი, მოსალოდნელი პოტ-ოდსების გარეშე.  

მოსალოდნელი პოტ-ოდსები ძირითადად დამოკიდებულნი არიან ...

• ... თქვენს პოზიციაზე. რივერზე პოზიციაში თამაშისას, ცხადია უფრო გაგიადვილდებათ თამაში და ველიუს აკრეფა. შესაძლებელია ველიუ-რეიზის გაკეთება. გარე პოზიციაშ თამაშისას თუ ჩექს გააკეთებთ ოპონენტიც ხშირად დაჩექავს, ხოლო თუ დადებთ შუბლზე დაგეწერებათ რომ ფლეში გყავთ.  
• ... ოპონენტების რაოდენობაზე (რაც უფრო მეტი ოპონენტი გყავთ მით უფრო მაღალია იმფლაიდ ოდსები). 
• ... მაგიდის სტრუქტურაზე (რამდენად თვალსაჩინოა თქვენი კომბინაციის დასრულება ოპონენტებისთვის). 

თუ სიტუაცია არ გაძლევთ საშუალებას ივარაუდოთ იმფლაიდ ოდსები. მაშინ დროუ ხელით თერნზე თამაში დადის უბრალო არითმეტიკამდე, უბრალოდ უნდა დაითვალოთ სწორად.

ბლეფი: ფლოატი 
თერნზე ბლეფზე საუბრისას, საუბარი უნდა დავიწყოთ „ფლოატით“

მეორე ბარელი გამოუსადეგარი ხელით წმინდა ტექნიკური თვალსაზრისით ცხადია ბლეფია, რადგან მის წარმატებულობას განსაზღვრავს მხოლოდ ფოლდ-ექუითი. ამას გარდა თქვენ შეგიძიათ უბრალოდ დონკბლეფი გააკეთოთ თერნზე, მაგრამ დისტანციაზე მსგავსი თამაში ალბათ არასდროს არ იქნება მომგებიანი, რადგან აბსოლუტურად გაურკვეველია თუ რა ტიპის ხელის იმიტირებას ახდენთ მსგავსი თამაშით. მსგავსი დონკ-ბლეფისთვის აუცილებელია სწორი ინფორმაცია გვქონდეს ოპონენტზე და თერნის კარტმაც ხელი შეგვიწყოს (სასურველია ის იყოს საშიში ოპონენტისთვის)

კიდევ შესაძლებელია ბლეფ-რეიზი, მაგრამ თავის დასაწყისში პოზიციაში თამაშის ახსნისას ჩვენ ვახსენეთ, რომ მსგავსი მუვი საკმაოდ ძვირი ჯდება და ძალიან დისპერსიულია. შესაბამისად დისტანციაზე მის სწორად გამოყენებას დიდი გამოცდილება და თამაშის ნიუანსების ზედმიწევნით კარგად სცოდნა ესაჭიროება. 
ამიტომ დავუბრუნდეთ ფლოატს. ყველაზე მომგებიან ბლეფ ფსონს თერნზე, რომელიც კარგად ეხამება იმ „ისტორიას“ რომლის მოყოლასაც ვცდილობთ ოპონენტისთვის 

ფლოატის წინაპირობა საკმაოდ მარტივია: ფლოპზე – იდეალურ შემთხვევაში პოზიციაში – თქვენ უბრალოდ დაქოლეთ ოპონენტის ფსონი. ხშირად ეს ხდება მაშინ როდესაც თქვენი ოპონენტი პრეფლოპ აგრესორია და კონტბეთს აკეთებს ფლოპზე, ასევე შესაძლებელია, რომ თქვენ იყოთ პრეფლოპ აგრესორი და ოპონენტმა გააკეთოს დონ-ფსონი ფლოპზე. 

ფლოპზე ქოლის შემდეგ თქვენ იმედოვნებთ, რომ ოპონენტი დაჩექავს თერნზე, რის საპასუხოდაც თქვენ დადებთ. თეორიულად ოპონენტმა უნდა გადაყაროს საკუთარი დიაპაზონის მნიშვნელოვანი ნაწილი. 

• პრეფლოპ აგრესორები ხშირად აკეთებენ კონტბეთებს არაფრით, მათი მხრიდან თერნზე ჩექი ნიშნავ ბანკის დათმობას. 
• დონკ-ფსონი ფლოპზე ხშირად მიანიშნებს სუსტ ხელზე და ძირითადი გათამაშების ხაზი იქნება ბეთ/ფოლდი. ასეთ სიტუაციებშიც თქვენ ხშირად მოახერხებთ თერნზე ბანკის მოგებას. 

ფლოატის გამოყენებით თქვენ საკმაოდ მაღალი მათ. ლოდინი გაქვთ და ამასთან ბალანსი შეგაქვთ თამაშში, რაც ძლიერი ხელების გათამაშებისას გამოგადგებათ. რადგან თუ თქვენ პოზიციაში ძლიერი ხელი გყავთ, ყოველთვის არ დაარეიზებთ ფლოპზე. მაგრამ თერნზე აუცილებლად გააკეთებთ ფსონს. შესაბამისად თქვენ ერთნაირად ათამაშებთ ძლიერ და სუსტ ხელებს, რაც დააბალანსებს თქვენს თამაშს და ის ძნელად ამოსაცნობი იქნება ოპონენტებისთვის. 

რას უნდა მივაქციოთ ყურადღება ფლოატის გაკეთების დროს? 

• ფლოპზე თქვენ დროუ-ხელი გყავთ და თერნზე ან ფლოატით წაიღებთ ბანკს ან გაძლიერების შემთხვევაში ძლიერი ხელით. 
• თუ თერნზე ძალიან ბევრი აუტი გყავთ და არსებობს იმის ალბათობა რომ ოპონენტმა ჩექ/რეიზ ხაზი გაათამაშოს, ჯობია გადაიხაროთ განმეორებითი ჩექისკენ. 
• თქვენ თვლით რომ ფლოატი უფრო წარმატებული იქნება, ვიდრე პირდაპირი რეიზი ფლოპზე. 
• თქვენ თვლით რომ ფსონს ახლავს დიდი ფოლდ-ექუითი. 
• თქვენ სუსტი ხელი გყავთ შოუდაუნ-ველიუს გარეშე. თქვენი ფსონის მიზანია აიძულოთ ძლიერი ხელი გავიდეს ბანკიდან. თუ თქვენ თვლით რომ წინ იმყოფებით, უნდა განიხილოთ განმეორებითი ჩექის პერსპექტივა, ბლეფის პროვოცირების მიზნით. რადგან თქვენ არ გინდათ ბლეფად აქციოთ ძლიერი ხელი. 
• თერნის კარტი საშიში იქნება ოპონენტისთვის, მაგრამ არა თქვენთვის. თუ თქვენ თვლით რომ თერნს შეიძლება გაეძლიერებინა ოპონენტი (მაგ.: დაეხურა რომელიმე დროუ-ხელი), ჯობია თავი შევიკავოთ ბლეფისგან. ბევრი აგრესიული მოთამაშე აღმერთებს ჩექ/რეიზს თერნზე. 

დასკვნა 

ერთის მხრივ თქვენ დაინახეთ რამდენად რთულია თერნზე თამაში. მეორეს მხრივ დაინახეთ ისიც თუ რამდენად მრავალფეროვანი შეიძლება იყოს გათამაშების თქვენეული ხაზი. 

მნიშვნელოვანია გახსოვდეთ, გათამაშების ფლოპზე შედგენილი გეგმა და არ გადაუხვიოთ მას ჯეროვანი დაფიქრების გარეშე. თუ გინდათ რომ იბლეფოთ გაყევით ლოგიკურ ხაზს, გამოიყენეთ მეორე ბარელი ან ფლოატი. თუ თვლით რომ წინ იმყოფებით დაიცავით თქვენი ხელი. თუ არ იცით სად იმყოფებით, მაგრამ გაქვთ პოზიციის უპირატესობა, მაშინ შეგიძლიათ განიხილოთ ფსონის ვარიანტი, უფასო შოუდაუნის იდეით. ან გააკეთოთ განმეორებითი ჩექი ბლეფის პროვოცირების მიზნით. მტკვარი(რივერი) ახლოა და შესაბამისად საკუთარ თავს უნდა დაუსვათ შეკითხვა: როგორ სიტუაციაში აღმოვჩნდები იქ? თქვენ თერნზე თამაშით უნდა განსაზღვროთ და იცოდეთ როგორ მოიქცევით რივერზე. შესაბამისად ძალიან მნიშვნელოვანია სიღრმისეულად ვიცნობდეთ თერნზე თამაშის ნიუანსებს, ყველაზე დიდი ყურადღება ვაჭრობის ამ რაუნდს უნდა დაუთმოთ და მუდმივი ანალიზის და თამაშის დახვეწის ხარჯზე მიხვიდეთ იმ დონეზე, რომ თერნზე თავი კომფორტულად იგრძნოთ. 

დიდი ბანკების უმეტესობის ბედი სწორედ თერნზე წყდება, ის არის პოსტფლოპის საკვანძო წერტილი და როგორც ამბობენ ის ადგილი სადაც ბიჭებს ასხვავებენ კაცებისგან.

როგორც უკვე აღვნიშნეთ  მომდევნო სტატიაში მაგალითების საფუძველზე იქნება ახსნილი ის კონცეფციები, რომლებზეც აქ ვისაუბრეთ.