ვინც ონლაინ პოკერის მიმოხილვას თვალყურს ადევნებს, ალექსანდრ კოსტრიცინის წარმოუდგენელი სვინგების შესახებ ინფორმირებული იქნება. სამი კვირის წინ რუსმა მოთამაშემ ნახევარ მილიონ დოლარზე მეტი მოიგო, რასაც წამგებიანი კვირა მოჰყვა, სადაც მან $250.000 დოლარამდე დაკარგა. გასულ კვირას კი, "joiso" კვლავ მომგებიან ციკლს დაუბრუნდა - ამჯერად მისმა მოგებამ, 6.513 დარიგებაში, $652.845 დოლარს მიაღწია. 

წარმატებული კვირა გამოდგა დენიელ "w00ki3z" კეიტსისთვისაც, რომელმაც 7.765 დარიგებაში $201.767 დოლარი მოიგო. მან, 8-გეიმსის $400/$800 ლიმიტზე, მაიკ გოროდინსკის, ვიქტორ ბლომისა და კუზნეცოვის წინააღმდეგ $94.000 დოლარი გამოიმუშავა. როგორც HighStakesDB იუწყება, 10 საათიანი დამღლელი სესიის შემდეგ, კეიტსი ვიქტორ ბლომს ჰედს-აპ მაგიდებზე დაუპირისპირდა, სადაც დამატებით $53.000 დოლარი მოიგო. 

გასული წლის ყველაზე მომგებიან მოთამაშეს, ვიქტორ "Isildur1" ბლომს კი კოშმარული პერიოდი დაუდგა - მისი 7 დღიანი მინუსი $560.067 დოლარამდე ავიდა. ცუდი კვირა გამოუვიდათ ასევე ტიმოფეი კუზნეცოვსა და ფედორ ჰოლცს, რომლებმაც $300.000 და $132.943 დოლარი დაკარგეს. მიუხედავად წარუმატებელი კვირისა, ბლომმა ერთ-ერთ ყველაზე დიდ დარიგებაში მიიღო მონაწილეობა, სადაც ის სწორედ ალექსანდრ კოსტრიცინს დაუპირისპირდა:

პოტ-ლიმიტ ომაჰას $100/$200 მაგიდაზე, კოსტრიცინმა პრეფლოპ ვაჭრობა $700 დოლარიანი ბეთით გახსნა, რასაც ბლომის $2.400-იანი 3-ბეტი მოჰყვა. ბლაინდებზე მყოფმა მოთამაშეებმა დაფოლდეს, კოსტრიცინმა კი შვედის ფსონი გაასწორა. 4T8 ფლოპზე, კოსტრიცინი ჩექს აკეთებს, ხოლო ბლომი $3.200 დოლარს დებს, რაზეც რუსი $10.786. დოლარიანი ჩექ-რეიზით პასუხობს. რამენიმეწამიანი ფიქრის შემდეგ, ბლომმა დარჩენილი $33.140 დოლარი მაგიდაზე შეიტანა - რუსმა, მეტოქის აგრესიას. მომენტალურად უპასუხა. 

ბლომი: QT69

კოსტრიცინი: QT76

ორივე მოთამაშეს ტოპ წყვილი აღმოაჩნდა, სთრეით დროსთან ერთად. თერნზე დადებულმა J-მა კი სავარაუდო სთრეითის დასრულების საშუალება ვიქტორ ბლომს მისცა, ხოლო 5 რივერმა სიტუაცია უცვლელად დატოვა. საბოლოოდ შვედმა მოთამაშემ $70.496 დოლარი მოიგო, მაგრამ დიდი დარიგების მიუხედავად, მისი კვირა გრანდიოზული მინუსით დასრულდა.